Қимматли туйғудир ишқ

Қимматли туйғудир ишқ

Эшитинг, эй ёронлар, қимматли туйғудир Ишқ,
Нолойиққа берилмас ҳурматли туйғудир Ишқ.

Ҳам жафодур, ҳам сафо, Ҳамзани отди Қофга,
Ишқ биландур Мустафо – давлатли туйғудир Ишқ.

Тоққа тушса, кул айлар, кўнгилларга йўл айлар,
Султонларни қул айлар – журъатли туйғудир Ишқ!

Кимгаки Ишқ урди ўқ – ғусса ила қайғу йўқ,
Фарёд ила оҳи кўп – ҳижронли туйғудир Ишқ!

Денгизларни қайнатур, мавжга солиб, ўйнатур,
Қояларни сўйлатур – қувватли туйғудир Ишқ!

Ақлларни шоширур, дарёларга туширур,
Неча жигар пиширур – ки ўтли туйғудир Ишқ!

Мискин Юнус найласин, дардин кимга сўйласин?
Борсин, дўстлар тўпласин – лаззатли туйғудир Ишқ!

Юнус ЭМРО

Гулбаҳор Абдуллоҳ таржимаси

Жондан ичкари

Жондан ичкари

Севарман мен Сени жондан ичкари,
Йўлим бордур бу аркондан ичкари.

Мени менда дема, менда эмасман,
Бир мен бордур менда, мендан ичкари.

Салом бўлсин!

Юнус ЭМРО

Салом бўлсин!

Биз дунёдан кетар бўлдик,
Қолганларга салом бўлсин!
Бизлар учун хайр дуо
Қилганларга салом бўлсин!

Ишқ найлади...

Юнус ЭМРО

Ишқ найлади...

Юрадурман ёна-ёна,
Ишқ бўяди мени қона.
На оқилам, на девона –
Кел, кўр, мени ишқ найлади!

Ахтариб-ахтариб, топсам изингиз...

Юнус ЭМРО

Ахтариб-ахтариб, топсам изингиз...

Ахтариб-ахтариб, топсам изингиз,
Босган изингизга сурсам юзимни...
Ҳақ насиб айласа, кўрсам юзингиз –
Ё Муҳаммад, жуда соғиндим Сизни!

СЕВАЙЛИК, СЕВИЛАЙЛИК...

Юнус ЭМРО

СЕВАЙЛИК, СЕВИЛАЙЛИК...

Ҳақ жаҳонга тўладир, бандалар буни билмас,
Уни сен сендан иста, У сендан айро бўлмас.
Бунда келганлар кетар, албат шарбат*дан ичар,
Бу бир кўприкдир – ўтар, жоҳиллар буни билмас...

Шиоримиз:

Аҳли сунна ва жамоа мазҳаби асосида пок ақийда ва мусаффо Исломга интилиш, Қуръон ва суннатни ўрганиб амал қилиш, исломий маърифат таратиш, салафи солиҳ – улуғ мужтаҳидларга эргашиш, кенгбағирлик ва биродарлик руҳини тарқатиш.

Cўнгги мақолалар

Янгиликлар

Саҳифамиздаги янгиликлардан хабардор бўлиш

Савол бермоқ

Савол-жавоб рукнига бериладиган саволларни, ушбу саҳифадан беришингиз мумкин ёки tazkiya@islom.uz емаилга мактуб йўллашингим мумкин.