Юнус ЭМРО
Ишқ найлади...
Юрадурман ёна-ёна,
Ишқ бўяди мени қона.
На оқилам, на девона –
Кел, кўр, мени ишқ найлади!
Гоҳ эсарман еллар каби,
Гоҳ тўзарман йўллар каби.
Гоҳ тошарман селлар каби –
Кел, кўр, мени ишқ найлади!
Ғурбат элида юрурман,
Дўстни тушимда кўрурман...
Уйғониб маҳзун бўлурман –
Кел, кўр, мени ишқ найлади!
Ишқинг мени маст айлади,
Олди кўнглим – хос айлади.
Ўлдирмоққа қасд айлади –
Кел, кўр, мени ишқ найлади!
Мискин Юнус бечораман,
Ишқ йўлида оввораман.
Дарддан юраги пораман –
Кел, кўр, мени ишқ найлади!..
© Bahor Guli Abdulloh таржимаси
Last modified on 26/06/2017Аҳли сунна ва жамоа мазҳаби асосида пок ақийда ва мусаффо Исломга интилиш, Қуръон ва суннатни ўрганиб амал қилиш, исломий маърифат таратиш, салафи солиҳ – улуғ мужтаҳидларга эргашиш, кенгбағирлик ва биродарлик руҳини тарқатиш.
Савол-жавоб рукнига бериладиган саволларни, ушбу саҳифадан беришингиз мумкин ёки tazkiya@islom.uz емаилга мактуб йўллашингим мумкин.
