Тазкия ҳикматлари
Бирор гуноҳга қўл уриб қўйсанг, буни ҳеч кимга айтма! Одамлар уят қилишади, лекин узрингни қабул қилишмайди. Аллоҳ эса авф этади ва яширади.
Шайх Мағомисий айтади: «Дунё ишларидан бирига боғланиб қолсанг-у, у сенинг бор ташвишингга айланиб қолса, қўлингни кўксингга қўйгин-да, «Аллоҳим! Қалбимнинг муҳаббатини, боғлиқлигини ва Ўзинг томон юзланишини зиёда қилгин!» деб айт».
Менга қуроли тил эмас, ақл бўлган, ҳал қилувчи зарбаси сергаплик эмас, сукут бўлган шахслар ёқади.
Луқмон Ҳаким ўғлига деди: «Ўғлим! Истиғфорни кўпайтир. Аллоҳнинг шундай бир файзу раҳматлари борки, уларга истиғфор айтадиганларгина эриша оладилар».
Эй одам боласи! Роббингга осийлик қилаётган бўлсанг ҳам, сенга Ўз неъматларини узлуксиз бераётганини кўрсанг, эҳтиёт бўл!
Ҳамма дунёни ўзгартиришни ўйлайди, лекин ҳеч ким ўзини ўзгартиришни ўйламайди.
Оқиллар уч хил бўлади: Дунё уни тарк қилмай туриб, дунёни тарк этган киши; Яратувчисига йўлиқмай туриб Уни рози қилган киши; Қабрга тушишидан олдин уни обод қилган киши. Сиз ҳам оқиллардан бўлинг!
Маъсиятларни тарк эта олмасанг, уларни тоат-ибодатлар билан сиқиб чиқар. «Яхшиликлар ёмонликларни кетказади» (Ҳуд сураси,114-оят).
Аллоҳдан иймон ва куч-қувватида ёрдам сўрайдиган киши фақатгина Ширин сўз; Яхши гумон; Олийжаноб хулқ; Жоҳиллардан юз ўгиришни билади, холос.
Аллоҳ йўқотаман деб ўйламаган нарсангни олиб қўйса, билгинки, яқинда топаман деб ўйламаган нарсангни беради. Муҳаммад Мутаваллий Шаъровий
