Тазкия ҳикматлари
Ўттиз ёшида мусулмон бўлди. Ўттиз олти ёшида вафот топди. ОЛТИ ЙИЛ Эй Саъд ибн Муъоз! Шу озгина фурсатда нима амал қилдингизки, ўлимингиз сабабли Раҳмоннинг Арши ларзага келди? Аллоҳим! У зотни ҳидоят қилганингдек, бизни ҳам ҳидоят қил!
Мол-дунё талабгори денгиз сувидан ичаётган кишига ўхшайди: ичган сари чанқоғи ортиб бораверади.
Бало-офат фақат гуноҳ туфайли келади ва фақат тавба туфайли кетади. ТАВБА ҚИЛ, БИРОДАР!
Аллоҳга сизларга бирор нарса ато этиши учун ибодат қилманглар, балки сизлардан рози бўлиши учун ибодат қилинглар. У Зот сизлардан рози бўлиб қолса, ато этган нарсалари билан сизларни ҳайрон лол қилади.
Роббим! Сен билан учрашишга ҳеч нарса тайёрламаган ҳолимда умрим тугаб қолишидан қўрқаман. Аллоҳим! Муроду мақсадим Сени рози қиладиган амаларни қилиш бўлсин, қалбимни Сени норози қиладиган ишлардан буриб қўйгин! «اِلَهِي أَنْتَ مَقْصُودِي وَرِضَاكَ مَطْلُوبِي» Илоҳим! Ўзингсан мақсадим, ризоингдир матлабим.
Қалбингга Аллоҳнинг муҳаббатини чизиб ол, шунда унинг изи аъзоларингда намоён бўлади.
Таҳажжуд намозини ўқиш учун тунда уйғона олмайдиган бўлсанг, ухлашдан олдин икки ракъат намоз ўқиб олишдан сени нима тўсмоқда?!
Орифлардан бири: «Дунёда шундай бир жаннат борки, ким унга кирмаса, охират жаннатига ҳам кирмайди», деди. «У нима экан?» дейишди. Шунда у: «Аллоҳнинг муҳаббати ва Унинг зикри», деб жавоб берди.
Маъсият – ёпиқ эшикдир. Уни очишга бир марта журъат қилсанг, кейин кўп марталаб очишинг осон бўлиб қолади. Бу шундай бир қадамки, ортидан бир нечта қадамлар эргашиб келади. Шу боис, сен биринчи қадамни «ўлдириш»га интил.
Кимнинг вирди (кундалик ибодат вазифаси) бўлмаса, унинг Вориддан (Аллоҳдан) келадиган файзу футуҳи ҳам бўлмайди.
